Akiwa na umri wa miaka kumi tu, Tiffany Seclen amekuwa mtangazaji wa Nuevo Tiempo Perú, akiwahamasisha watu sio tu kuisikiliza, bali kumjua Kristo kupitia somo la Biblia linalotolewa na chombo cha habari cha Waadventista.
“Biblia inasema kwamba imetupasa kwenda kufanya wanafunzi, tukiwabatiza kwa jina la Baba, la Mwana, na la Roho Mtakatifu; nami nilikuwa nimebatizwa, kwa hiyo nikaomba nisomee kozi ya Biblia ili kushiriki pamoja na wengine,” akumbuka Seclen.
Huko Bagua, Peru, Seclen amekuwa akifundisha kozi kama vile “Tiba ya Dhambi,” “Elimu ya Kifedha Katika Nuru ya Biblia,” na “Je, Mungu Hunisikia?” kwa marafiki zake wa shule na majirani. “Sasa ninajifunza Biblia na watu watano, na ninatumaini 10, lakini lengo langu ni 50,” asema promota mdogo wa Nuevo Tiempo.
Anasema kwamba, tangu akiwa mdogo sana, mama ya babu yake alimfundisha kutoa mafunzo ya Biblia na yeye hukumbuka hilo. “Kwanza ninawasalimia, kisha ninazungumza nao kuhusu maudhui ya kozi hiyo na nikiona mtu huyo ana nia ya kuisoma, basi ninamwalika kwenye Espacio Nuevo Tiempo,” anasema Seclen.
Ingawa mada za masomo haya zinaonekana kuwa ngumu kwa umri wake, anazisoma kwa kujitolea sana na maombi ili wanafunzi wake waelewe. Hatimaye, ameamua kuwa chombo mikononi mwa Mungu ili kuwaleta watu wengi zaidi miguuni pake.
“Haijalishi una umri gani, lakini kwamba uko tayari kushiriki habari njema ya wokovu,” ashiriki.
The original article was published on the South American Division Spanish website.