Maelfu ya watu walipanga foleni kwa ajili ya uchunguzi wa afya katika kliniki kubwa ya afya iliyofanyika hivi karibuni katika Mkoa wa Western Highlands wa Papua New Guinea.
Iliyopo katika Mlima Hagen, kliniki ilifunguliwa tarehe 16 Aprili, 2024, ikiwa na sherehe kubwa ya mapokezi iliyohudhuriwa na watu zaidi ya 2500, wakiwemo Wai Rapa, Gavana wa Mkoa wa Western Highlands.
Juhudi ya pamoja ya Kampeni ya 10,000 Toes na Redio ya Waadventista Duniani, kliniki inaendeshwa na wajitolea 426, wakiwemo madaktari 86 na wauguzi 40, pamoja na wafanyakazi wa afya wa eneo hilo 300. Huduma zinazotolewa ni pamoja na uchunguzi wa kisukari na uchunguzi mwingine wa kimatibabu na meno.
Mvua kubwa ya vipindi imefanya hali kuwa ngumu; hata hivyo, wajitolea wa maibabu wameendelea kuwa imara katika misheni yao. Kliniki inatarajiwa kumalizika tarehe 26 Aprili. Lengo ni kusaidia wagonjwa 20,000 katika kipindi hiki.
Kwa kuchukua mtazamo kamili wa huduma ya afya, kliniki hii haitafuti tu kuwahudumia wasiojiweza bali pia inalenga kujumuisha huduma ya uponyaji iliyochochewa na mafundisho ya Yesu na kutoa mazingira kwa wataalamu wa afya wa kimataifa na wa ndani kujifunza kutoka kwa kila mmoja.
Kliniki inafanyika kabla ya kampeni ya injili ya PNG kwa Kristo, ambayo imepangwa kufanyika katika wiki zijazo.
Makala asili ilichapishwa na tovuti ya Divisheni ya Pasifiki Kusini.