Maelfu ya vituo vya injili, vilivyoko nyumbani, viwanja vya michezo, viwanja vya mashindano, na viwanj vya mashule, miongoni mwa maeneo mengine, vilikuwa maeneo makuu ambapo Kanisa la Waadventista wa Kaskazini mwa Peru lilishirikisha Neno la Mungu, kuruhusu mbegu ya imani kusambaa ulimwenguni kote.
Katika eneo lote la kaskazini mwa nchi, Waadventista walianzisha mfululizo wa kiinjilisti ulioitwa "Ushindi wa Mwisho" (The Last Victory), ambao ulijumuisha usiku uliowekwa kwa ajili ya uinjilisti na ushiriki hai wa kanisa. Kutokana na hali hiyo, watu 5,048 walibatizwa na sasa wanajitayarisha kuwa wanafunzi wa Kristo, kupitia programu inayojulikana kwa jina la “Kukua katika Kristo”(Growing in Christ), ambapo kanisa litakuwa na jukumu la kumtunza, kutayarisha na kuongoza kila mtu.
Wakati wa mfululizo wa uinjilisti, kujitolea kwa kanisa la mtaa kulikuwa muhimu na dhahiri katika kuleta wale wanaopenda kujifunza zaidi kuhusu Biblia kwani tukio hilo lilifikia zaidi ya watu elfu 70 katika miji kote kaskazini mwa Peru kama vile Chiclayo, Cajamarca, Trujillo, Tarapoto, Callao, na Lima.
"Kwa kutazama mitandao ya kijamii, nimeweza kuthibitisha dhamira ya kanisa la Yunioni ya Kaskazini mwa Peru (makao makuu ya utawala ya Kanisa la Waadventista kaskazini mwa nchi), ambapo Mchungaji Bullón aliongozana kwa wiki moja na kanisa lilikuwepo. Kwa njia hii, tunamshukuru Mungu kwa harakati kubwa iliyotokea katika kanisa la eneo la vijijini, kote katika Yunioni ya Kaskazini mwa Peru wakati wa Wiki Takatifu. Utukufu kwa Mungu kwa ushindi mkubwa wa msalaba mwisho wa wiki hii!" alisema Mchungaji Daniel Montalván, kiongozi wa Kanisa la Waadventista la Sabato Kaskazini mwa Peru
Kadhalika, waandaaji wa hafla pia walisisitiza ushiriki wa vizazi vichanga kupitia vituo vya uinjilisti kwa watoto, ambapo waalimu walijitolea wakati wao, talanta, na rasilimali ili kufanya kila usiku kuwa tukio maalum kwa wahudhuriaji wachanga kwa kusambaza kwa nguvu hadithi za kibiblia na ujumbe wa Yesu kwa ajili yao.
The original article was published on the South American Division Spanish website.