Mnamo Oktoba 20, GAiN Europe 2023 ilianza rasmi huko Budva, Montenegro.
Takriban washiriki 250, wengi wao kutoka Divisheni ya Inter-European (EUD) na Divisheni ya Trans-European (TED) ya Waadventista Wasabato, walikusanyika ili kubadilishana mawazo, miradi, na mipango. Wataalamu wa mawasiliano walikutana ili kupanga mikakati ya pamoja katika nyanja ya mawasiliano, vyombo vya habari na utume.
GAiN ilianza mara tu baada ya Ushauri wa pamoja wa Ujumbe na Mawasiliano wa EUD yaani EUD Mission & Communications Advisory , ambao ulifanyika kuanzia Oktoba 16–19.
Dira ya Ushauri na GAiN Europe
Katika miaka michache iliyopita, Idara ya Mawasiliano imekuwa ikiongezeka katika mkabala wake wa moja kwa moja wa kimishenari, na kuleta hitaji la kupanga, kuunganisha, kiolesura, na kushirikiana kimkakati na kiutendaji zaidi na Idara za Utume wa Waadventista na Huduma za Kibinafsi. Dhana "mawasiliano ya kwanza - jumuiya - ubatizo - uanafunzi" ni lengo la kuafikiwa na wote kupitia juhudi za ushirikiano. Taasisi za vyombo vya habari ni mali muhimu na ya lazima kwa juhudi hii. Kwa upande mwingine, mitandao ya kijamii imekuza uwezekano, fursa, na nia ya kila mtu kushiriki maudhui.
"Kila mmoja sasa sio mtumiaji tu lakini mtayarishaji wa yaliyomo. Sisi sote ni wazalishaji—watumiaji na wazalishaji,” alisema Paulo Macedo, mkurugenzi wa Mawasiliano wa EUD. "Tunahitaji kuhamasisha, kuhusika, na kutoa mafunzo kwa wanafunzi wapya wa kidijitali kujihusisha katika ulimwengu pepe kama tulivyofanya siku zote katika ulimwengu wa kimwili. Sasa wao ni wamoja.”
Timu ya uandaaji ya GAiN—Idara za EUD na TED za Mawasiliano na Hope Media Europe—ziliunda maono haya pamoja.
Ushirikiano na Konferensi Kuu
EUD na TED ziliungwa mkono kikamilifu na GC, zikituma mawasilisho makubwa kutoka kwa idara za Mawasiliano na Utume wa Waadventista. Pia, Mário Brito na Daniel Duda, marais wa EUD na TED, mtawalia, walikuwepo kwenye hafla hiyo na waliwasilisha safari yao ya kibinafsi ya imani na maono ya utume kupitia vyombo vya habari.
Hafla hiyo pia ilihudhuriwa na wawakilishi wengine wa divisheni na nyanja zilizoambatanishwa (k.m., Euro-Asia [ESD], Pasifiki ya Kusini [SPD], Ukrainia).
Waalikwa maalum walikuwa Florian Ristea na Patrick Johnson, Viongozi wa Adventist Mission and Personal Ministries kutoka EUD na TED, mtawalia. Lengo lilikuwa kuwa na, kwa mara ya kwanza, tukio la GAiN Ulaya ambapo wote wangeweza kujadili njia bora ya mawasiliano, vyombo vya habari, na utume wa uinjilisti.
Nchi arobaini na moja zimewakilishwa katika GAiN Europe, kutoka Argentina hadi Australia; kutoka Norway hadi Mashariki ya Kati.
Mandhari
Mada ya mwaka huu ilikuwa “Kusudi" yaani "Purpose”: kutafuta maana na kusudi maishani kuhusiana na Mungu na kushiriki ujumbe Wake na wengine. Tukio hilo lilipangwa kuangazia uanafunzi wa kidijitali.
Mambo Muhimu
Hafla hiyo ilihudhuriwa na viongozi wengi wa Waadventista, ambao walielekeza hotuba zao kwenye uzoefu wao wa kibinafsi.
Guilliermo Biaggi, makamu wa rais wa GC, alihamasisha hadhira kwa kuhimiza kila mtu kuwa jasiri na mwaminifu kwa sababu “Bwana yu pamoja nasi na atatembea mbele yetu popote tuendapo—kwa hiyo hatupaswi kuogopa.”
Brito alisisitiza ukweli kwamba, bila uhusiano wa kina wa kila siku na Mungu, mtu hawezi kuzaa matunda katika uinjilisti.
Duda alisema kwamba mara nyingi Bwana hufungua milango isiyotarajiwa, akiweka maisha ya watu wake kwa mitazamo ambayo inaweza kuwaogopesha lakini ambayo wanaweza kukabiliana nayo kwa kumwamini.
Williams Costa, mkurugenzi wa Mawasiliano wa GC, alionyesha waliohudhuria jinsi mawasiliano ya ubunifu, kama vile muziki, yanaweza kusaidia kufungua mioyo ya watu.
The original version of this story was posted on the Inter-European Division website.