Kuanzia Oktoba 27 hadi Novemba 1, 2025, Shule ya Waadventista ya Taiwan (Taiwan Adventist Academy, TAA) iliandaa Wiki ya Injili ya siku sita chini ya mada “Aliponipata.” Katika wiki hii, walimu waliongoza ibada za asubuhi na jioni, wakishiriki jinsi upendo wa Yesu ulivyowapata na kubadilisha maisha yao. Kulingana na washiriki, programu hii iliwahamasisha wengi na ikawa ushuhuda wa maana ndani ya mkakati wa uinjilisti wa Konferensi ya Taiwan kwa Huduma ya Elimu ya Waadventista.

Jones Du, mkurugenzi wa Idara ya Elimu ya Konferensi ya Taiwan, aliwahimiza shule zote kushiriki katika “Mpango wa Uinjilisti wa Ufuasi,” sehemu muhimu ya harakati za uinjilisti za divisheni nzima “Sauti Kuu 2025.”

Mpango huu unaendana na program ya Kanisa la Waadventista wa Sabato wa Uhusika Kamili wa Washiriki Ulimwenguni (TMI). Kupitia ushirikiano wa walimu na mbinu ya kimfumo ya hatua tano, mkakati wa uinjilisti ulifikia matokeo ya kutambulika.

Wakati wa Wiki ya Injili ya kwanza iliyofanyika kuanzia Aprili 28 hadi Mei 2, wanafunzi tisa walimkubali Kristo na kubatizwa. Katika Wiki hii ya Injili ya pili, wanafunzi kumi na wawili waliamua kumfuata Yesu.

Makala asili ilichapishwa kwenye tovuti ya habari ya Divisheni ya Kaskazini mwa Asia-Pasifiki.