Mnamo Oktoba 21, 2023, Uwanja wa Michezo wa ABL huko Kalibo, Aklan, Ufilipino, ulishuhudia muunganiko wa maelfu kwa siku ya ushirika na shangwe. Hafla hiyo ilitangaza Sherehe ya Mavuno ya Kikundi cha Care na kuashiria kutawazwa kwa wahudumu wawili. Tukio hili, likidhihirisha umoja na imani isiyoyumbayumba, liliashiria kujitolea kwa uthabiti kuendeleza kazi ya Bwana, si tu katika Jimbo la Aklan bali pia katika mawanda mapana zaidi ya mipaka yake.
Mpango huo ulianza kwa gwaride zuri lililoshirikisha vikundi mbalimbali vya utunzaji kutoka katika jimbo lote, ikiwa ni pamoja na washiriki wa Kikundi cha Huduma ya Injili kutoka Konferensi ya Unioni ya Ufilipino ya Kati (CPUC) ya Waadventista Wasabato, wakiandamana wakiwa na mabango na sare.
Mchungaji Eliezer T. Barlizo Jr., rais wa CPUC, alitoa shukrani za dhati kwa Mungu kwa ajili ya kampeni ya uinjilisti iliyofanikiwa kwa wakati mmoja ambayo Kikundi cha Huduma ya Injili kiliongoza katika maeneo matano kote Aklan.
"Tunatoa shukrani zetu kwa kila mshiriki na viongozi wetu wa kanisa ambao walichangia bila kuchoka katika juhudi hii. Kujitolea kwao na msaada wao umekuwa muhimu katika mafanikio ya kampeni hii. Tunaomba kwa dhati kwamba baraka na upendeleo wa Bwana uendelee kutuongoza, na kutuwezesha kuendeleza kazi yake. Asante, na Mungu atubariki sana," Mchungaji Barlizo aliwasilisha.
Kampeni ya uinjilisti ya wakati mmoja ilijitokeza katika maeneo matano ya kimkakati: Balete, na Mchungaji Renito C. Inapan kama mzungumzaji na Mchungaji Nestor Rapanan kama kiongozi wa wilaya; Aparicio, Ibajay, pamoja na Mchungaji Lowell Quinto na mchungaji wa wilaya Ricky Villarin; Poblacion Makato, pamoja na Mchungaji Bernie Maniego, akisaidiwa na mchungaji wa wilaya Mark Jan Ysulan; Santa Ana, Ibajay, pamoja na Mchungaji Fernando Narciso na mchungaji wa wilaya Jerson Rafael; na Libacao, pamoja na Mchungaji Ferdinand Esico na mchungaji wa wilaya Ivan Baltar.
Mchungaji Lowell L. Quinto, katibu mkuu wa CPUC wa Maisha ya Uinjilisti Jumuishi katika Kukuza, Ufuasi na Ufufuo yaani,ntegrated Evangelism Lifestyle in Nurturing, Discipleship, and Reclamation (IEL-NDR), alishukuru uongozi wa Konferensi ya Magharibi ya Visayan (WVC), wachungaji wa wilaya, na ndugu wote walioshiriki katika Masomo ya Biblia ya kwanza kupitia mikutano ya nyumba ndogo, vipindi vya vikundi vya utunzaji, na kutembelea nyumba kwa nyumba katika mahojiano.
“Ninawatia moyo kuendelea kuunga mkono kazi ya kanisa kwa kushiriki kikamilifu katika huduma ya vikundi vya utunzaji, na kuturuhusu sisi sote pendeleo kubwa la kupata roho za thamani. Utukufu na uwe kwa Mungu! Hebu tuendelee kuunga mkono kazi ya Bwana na kuendelea kufuatilia huduma za vikundi yaa utunzaji. Maranatha!” Mchungaji Quinto alisema.
Zaidi ya hayo, uongozi wa WVC ulitoa shukrani zao kwa CPUC kwa huduma zao na hatua yao ya kuendesha kampeni ya uinjilisti, wakisisitiza dhamira kuu ya kanisa ya kueneza Injili.
Mchungaji Rolando Dolor, katibu mkuu wa WVC na mkurugenzi wa Shule ya Sabato, alisema, “Kazi hii inawezekana kwa sababu ya uungwaji mkono wa kila mtu na kujitolea kwa ndugu zetu katika kuhubiri habari njema. Uwepo wetu kama kanisa unatokana na utume huu maalum wa kueneza Injili duniani kote. Acheni hili liwatie moyo ndugu na dada zetu wote wanaotamani kuwa sehemu ya kazi hii takatifu ambayo Bwana ametukabidhi. Mungu atubariki tunapoendelea kushiriki katika utume huu mtakatifu.”
Kufuatia ibada hiyo, tukio la maana sana lilitokea pale Mchungaji Nestor Rapanan na Mchungaji Ferdinand Cabatac walipowekwa wakfu au kutawazwa katika huduma ya Injili, na hivyo kuashiria hatua muhimu kwa kanisa. Kufuatia sherehe ya kuwekwa wakfu, kulikuwa na tukio la ubatizo siku ya Sabato alasiri, ambapo waumini wapya walionyesha wazi furaha na shukrani zao kwa kukumbatia imani. Hasa, miongoni mwa waliobatizwa karibuni walikuwa washiriki wa familia ya mmoja wa wahudumu waliowekwa rasmi. Marita Orellana, ambaye alionyesha furaha yake kutoka moyoni, alisema, "Ninashukuru sana kwamba leo, nilibatizwa na mwana wangu mwenyewe, Nestor. Ni baraka kuwa naye atuongoze katika kuelewa yaliyo mema na mabaya."
Mikutano ya usiku ya kila juma ya kila juma katika maeneo matano tofauti ilivuta umati mkubwa, ikifikia kilele cha ubatizo wa nafsi 232 kupitia neema ya Mungu. Tukio hilo lilihitimishwa kwa maneno ya shukrani kwa kila mtu na wito wa maombi endelevu kwa wale vijana wa imani.
The original version of this story was posted on the Southern Asia-Pacific Division website.
