Yanagi Adventist Community Center, kituo cha kwanza cha ushawishi cha Waadventista nchini Japani, kilifungua milango yake mnamo Septemba 26, 2023. Kikiwa Nakano, Tokyo, ambayo inajulikana kwa maduka yake ya anime na manga, kituo hiki kinatoa zaidi ya aina za katuni za Kijapani katika eneo hili. Dhamira yake ni kutoa nafasi ya kirafiki kwa vijana wapanda kanisa la Waadventista na kuwa baraka kwa jumuiya inayowazunguka, kuanzisha miunganisho na kuwa kitovu cha huduma ya jamii, pamoja na afya ya akili, kijamii, na kiroho.
Kituo cha Ushawishi cha Mjini (Urban Center of Influence, UCI) ni sehemu muhimu ya mradi wa Mission Unusual Tokyo, mpango wa pamoja wa Konferensi Kuu, Divisheni ya Kaskazini mwa Asia na Pasifiki, na Konferensi ya Unioni ya Japani ili kukuza harakati za kupanda kanisa miongoni mwa viongozi walei wa Japani huko Tokyo.
Ikiwa karibu na Nakano Broadway, kitovu cha subcultures huko Tokyo, UCI ni kitovu cha mkakati wa kuchochea harakati ya kuanzisha makanisa katika jiji hilo. Mkakati huu unajumuisha makazi ya kuanzisha makanisa, mafunzo kwa wapandaji, na kutengeneza rasilimali mpya kusaidia Wajapani katika misheni yao ya kuunganisha na marafiki wasio Wakristo.
Changamoto moja inayokabili upandaji kanisa nchini Japani ni kusita kwa wasio wakiristo kuingia katika maeneo ya ibada ya Kikristo. Zaidi ya hayo, kupata mahali pa makusanyiko hayo kunaweza kuchukua muda na jitihada. Imewekwa karibu na vituo viwili vya treni ya chini ya ardhi, UCI hutoa nafasi kwa ajili ya mipango ya kupanda kanisa inayohitaji ukumbi. Mazingira yake ya kukaribisha na yasiyoegemea upande wowote hurahisisha wapanda kanisa kuwaalika marafiki wasio Wakristo kwa ajili ya ibada, masomo ya Biblia, matukio ya kijamii, na hata huduma za jamii katika eneo hilo. Wakati wa wiki, UCI hutoa shughuli kama vile vilabu vya mazungumzo ya Kiingereza, warsha za afya ya akili, vikao vya uongozi, usiku wa michezo, usiku wa filamu, madarasa ya upishi na zaidi.
The original version of this story was posted on the Northern Asia-Pacific Division website.
