South American Division

Kliniki ya Good Hope Yapandikiza Pacemaker ya Kwanza Isiyo na Waya Kusini mwa Amerika

Kliniki ya Waadventista imeboresha ubora wa maisha ya msichana wa miaka tisa kwa upasuaji wa kipekee.

January 6, 2025

Liseht Santos, Divisheni ya Amerika Kusini, na ANN

Upandikizaji wa pacemaker ndogo zaidi duniani.

[Picha: Kliniki ya Waadventista ya Good Hope]

Tukio la kihistoria katika kardiolojia ya watoto lilifikiwa na Kliniki ya Waadventista ya Good Hope (CAGH) ilipofanya upandikizaji wa kwanza wa pacemaker isiyo na waya, inayojulikana pia kwa kuwa ndogo zaidi duniani, kwa msichana wa miaka tisa. Tofauti na pacemaker za jadi, kifaa hiki hupandikizwa moja kwa moja kwenye moyo.

Kulingana na wataalamu walioongoza upasuaji huu, Dkt. Victor Fontinier, mtaalamu wa elektrofiziolojia na kardiolojia ya upasuaji, na Dkt. Miguel Leal, mtaalamu wa elektrofiziolojia ya moyo na mkurugenzi wa Elektrofiziolojia katika Emory Healthcare, aina hii ya upasuaji ndyo ya kwanza kufanywa Amerika Kusini kwa mgonjwa mtoto, jambo ambalo linaweka Kliniki ya Waadventista ya Good Hope kama kiongozi katika uvumbuzi wa kimatibabu.

Pacemaker Isiyo na Waya

Inayochukuliwa kama maajabu ya tiba ya kisasa, pacemaker hiyo ndogo zaidi duniani ina urefu wa sentimita 2.5 na kipenyo cha sentimita 1; teknolojia hii ya hali ya juu inaruhusu mapigo ya moyo kudhibitiwa kwa ufanisi na kwa muda mrefu, kuhakikisha utendaji bora na endelevu wa moyo.

Pacemaker ndogo zaidi duniani.

Kazi Maalum

Ili kufanikisha jambo hili, timu ya zaidi ya wataalamu 10 katika kardiolojia ya watoto, ICU ya watoto, uhandisi wa biomedikali, madaktari wa usingizi, wauguzi, mafundi na wanateknolojia ilikusanywa. Upandikizaji wa pacemaker hiyo ya kizazi kipya unawakilisha hatua kubwa mbele katika suala la usalama na utendaji kwa wagonjwa, na kwa hivyo, upasuaji usio na uvamizi mkubwa, na kupona kwa haraka.

Timu ya wataalamu katika Kliniki ya Waadventista ya Good Hope.

Upasuaji Uliofanikiwa

Mgonjwa aliyenufaika na utaratibu huu wa upasuaji ni msichana wa miaka 9 aliye na hali ya moyo iliyohitaji upandikizaji wa pacemaker. Upasuaji huu uliofanikiwa unawakilisha suluhisho salama na la kustarehesha ambalo litaimarisha ubora wa maisha na afya yake.

Wakati wa utaratibu wa upasuaji huo.

Maendeleo haya ya matibabu, yaliyofikiwa na Kliniki ya Waadventista ya Good Hope, yanatoa matumaini kwa watoto wengi wenye matatizo ya moyo. Kama sehemu ya Mtandao wa Matibabu wa Waadventista wa Peru, ni mfano wa kazi ya kitaalamu, iliyoandaliwa, na ya kimkakati yenye mtazamo wa kijamii na kiroho katika huduma ya jamii chini ya msisitizo wa "Hudumia, Ponya, na Okoa."

Makala asili ilichapishwa kwenye tovuti ya Kihispania ya Divisheni ya Amerika Kusini.