South Pacific Division

Hope Channel Yazinduliwa Tuvalu

Nyongeza ya hivi punde kwenye mtandao wa ulimwenguni pote itaimarisha uenezaji wa Injili katika taifa zima la Visiwa vya Pasifiki

November 9, 2023

Ukataji wa keki uliofanywa na Mchungaji Kaufononga na wageni.

Misheni ya Unioni ya Trans Pacific (TPUM) ya Waadventista Wasabato imefikia hatua nyingine muhimu katika juhudi zake za huduma ya vyombo vya habari kwa kuzinduliwa kwa Hope Channel Tuvalu tarehe 25 Oktoba 2023—ikiwa ni nyongeza ya hivi punde zaidi kwenye mtandao wa vituo 80 pamoja na chaneli 80 duniani kote.

Akiongoza uzinduzi huo, Mchungaji Maveni Kaufononga, Rais wa TPUM, alisisitiza kauli mbiu ya “Televisheni Inayobadilisha Maisha!

Idhaa hiyo mpya, juhudi ya ushirikiano kati ya TPUM na Tuvalu TV, itabeberusha vipindi hewani bila malipo kote katika Funafuti, mji mkuu wa taifa hilo, na kufikia idadi ya watu inayoweza kuwa zaidi ya wakazi 5,000 katika kisiwa hicho. Kuna mipango ya jukwaa la kidijitali la Tuvalu TV kupanuka mwaka ujao hadi kwenye visiwa vingine vya nje vya Tuvalu, ambapo Hope TV pia itapatikana.

Ili kusherehekea uzinduzi huo, hafla hiyo ilijumuisha kukata keki iliyofanywa na Mchungaji Kaufononga na wageni waheshimiwa: Mchungaji Tofiga Vaevalu Falani, mkuu wa mkoa, na mkewe, Tangira; Saaga Talu, Kaimu Waziri wa Sheria na Mawasiliano na Mambo ya Nje; na Vaguna Satupa, mchungaji wa wilaya ya Waadventista wa Tuvalu. Pia walikuwapo Andrew Lin, balozi wa Taiwan nchini Tuvalu; Brenton Garlick, kamishna mkuu wa Australia huko Tuvalu; na John Muria, jaji wa Mahakama Kuu ya Tuvalu.

John Tausere, mratibu wa Mawasiliano na Vyombo vya Habari wa TPUM, alielezea mbinu ya awamu mbili ya mpango huu. "Awamu ya kwanza, iliyokamilishwa na uzinduzi wa leo, inawezesha utangazaji wa maudhui ya kimataifa ya Hope Channel moja kwa moja kutoka kwa mlisho wa satelaiti hadi kisiwa," alisema. "Awamu inayofuata, iliyopangwa kwa 2024, inalenga kuanzisha studio ya ndani huko Tuvalu ili kutoa maonyesho katika lugha na muktadha wa Kituvalu."

Akielezea matumaini yake, Mchungaji Kaufononga alisema, “Dhamira ya kanisa ni kushiriki Injili ya milele duniani kote. Hope Channel Tuvalu ni hatua muhimu ya kufikia kila kaya na kila familia katika eneo hili, ikirejea misheni kubwa zaidi ya kanisa.

Mchungaji Derrick Morris, rais wa Hope Channel International, alikaribisha Tuvalu TV kwenye mtandao. Katika ujumbe wake wa video, alisema, "Tunafurahi kutumia vyombo vya habari vya uinjilisti kufikia nchi yenu kwa ajili ya Kristo," akiongeza kuwa mtandao wa kimataifa utakuwa ukiwaombea.

The original version of this story was posted on the Adventist Record website.